Ab ke us ki aankhon main be'sabab udaasi thi................

Ab ke us ki aankhon main
be'sabab udaasi thi
ab ke us ke chehrey par
dukh tha, be'hawaasi thi..

Ab ke yu'n mila mujh se
yu'n ghazal suni, jaisey
main bhi na'shanaasa hoon
wo bhi ajnabi jaisey..

Zard khaal o khad us ke
so'gawaar daaman tha
ab ke us ke lehjey main
kitna khurdra'pan tha..

Wo ke umar bhar jis ne
sheh'r bhar ke loogo main
mujh ko ham'sukhan jana
khud se meh'ruban samjha
mujh ko Dilruba likha..

Ab ke sada kaaghaz par
surkh raoshnai se
us ne talkh lehjey main
merey naam se pehley
sirf Be'wafa likha..