Ajeeb larki hoon khud ko jalana chahti hoon
Mai khud ko rakh ker kaheen bhool jana chahti hoon
........
Mere naseeb ki khushiyaan bhee kab mili mujh ko
Bas ab to umer bher aansoo bhana chahti hoon
........
Najanay kitni Muhabbat hai ranj-o-ghum se mujhe
Koi bhee dard ho dil mai chupana chahti hoon
........
Baha baha k ye aasnoo bikhar chuki hoon bahut
Simat k zaat mai ab muskurana chahti hoon
........
Mujhe zamanay ne pathar samjh liya hai mager
Mai ek larki hoon sab ko batana chahti hoon
........
Jo mujh se rooth chuki hain zamanay ki khushiyaan
To main bhee un khushiyoon se rooth jana chahti hoon
........
Koi to ho jo lagaye mujhe seenay se
Kisi ko mai bhee apne ghum sunana chahti hoon
........
Tu apne dil k her ek dard ko khol de
Mai dard ban ker tere dil mai aana chahti hoon....
No comments:
Post a Comment